Əhmədov Fərid Ziyat oğlu,
Bakı Dövlət Universitetinin Beynəlxalq ümumi hüquq kafedrasının doktorantı
E-mail: [email protected]
TEL: 050 768 12 32
Mediasiya latınca “mediation” sözündən olub, vasitəçilik deməkdir. Mediasiya dünya təcrübəsi ilə meydana gələn hüquqi barışıq strategiyasının növlərindən biridir. Başqa sözlə, mediasiya mübahisənin alternativ həlli üsulu olmaqla ədalət mühakiməsinə əlçatanlığın digər formalarından biri kimi mübahisədə olan tərəflər arasında qarşılıqlı konsensusa əsaslanan və hər iki tərəfi qane edən qərara gəlmək yoludur.
Mediasiyanın tətbiq edildiyi mübahisələrdən biri kommersiya mübahisələri hesab edilir. 2018-ci ilin 20 dekabr tarixli “Mediasiya vasitəsilə əldə olunmuş beynəlxalq barışıq sazişləri üzrə BMT-nin Sinqapur Konvensiyası” kommersiya mübahisələrini həll etmək üçün alternativ, effektiv üsul kimi mediasiyanı təşviq edir. Kommersiya xarakterli münasibətlərə malların və ya xidmətlərin tədarükü və ya mübadiləsi üçün hər hansı ticarət əməliyyatı, dəyişdirmə müqaviləsi, kommersiya nümayəndəliyi və ya agentliyi, faktorinq, lizinq, konsaltinq, mühəndislik, lisenziyalaşdırma, investisiya, maliyyələşdirmə, bankçılıq, sığorta, konsessiya, birgə müəssisə və sənaye və ya biznes əməkdaşlığının digər formaları, hava, dəniz, dəmir yolu və ya avtomobil yolu ilə yüklərin və ya sərnişinlərin daşınması və sair əməliyyatlar daxildir. Kommersiya mediasiyası digər mübahisələrin alternativ həlli üsullarından bir neçə cəhətdən fərqlənir, lakin onun əsas xüsusiyyəti ondan ibarətdir ki, mediatordan mübahisə ilə bağlı yekun qərarın qəbul edilməsi gözlənilmir. Belə ki, kommersiya mübahisələrində mediatorun məqsədi mübahisə tərəflərini nizamlanmaya doğru irəliləməyə təşviq etməkdir [2].
Daha ətraflı buradan oxuyun: